ដំណឹងល្អ! សម្តេចតេជោ ប្រកាសបញ្ចុះតម្លៃធ្វើប័ណ្ណបើកបរម៉ូតូមកនៅត្រឹមតែ ២៥,០០០រៀល
05-January-2016 | ដោយ មួយឡា
ភ្នំពេញ៖ នៅព្រឹកថ្ងៃទី០៥ ខែមករា ឆ្នាំ២០១៦នេះ ស្ពានអាកាសតិចណូ ដែលស្ថិតនៅខណ្ឌទួលគោក ត្រូវបានសម្ពោធដាក់ឱ្យដំណើរការជាផ្លូវការ ក្រោមអធិបតីភាព សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត។ប៉ុន្តែអ្វីដែលប្រជាពលរដ្ឋនឹងទទួលបាននៅថ្ងៃនេះគឺសម្តេចតេជោ ហ៊ុន សែន នឹងមានដំណឹងល្អៗជាច្រើនសម្រាប់ជនរួមជាតិ។
សម្តេចតេជោ ហ៊ុន សែន បានបង្ហាញនៅលើហ្វេសប៊ុកផ្លូវការ របស់សម្តេចដោយបានសរសេរថា "សូមចូលរួមសម្ពោធ សមិទ្ឋផល ស្ពានអាកាស ៥ មករា ជាមួយសម្តេចតេជោ ហ៊ុន សែន នៅរាជធានីភ្នំពេញទាំងអស់គ្នា ! ថ្ងៃនេះសម្តេចតេជោ នឹងមានដំណឹងល្អៗជាច្រើនថែមទៀតសម្រាប់ជនរួមជាតិ រួមទាំងការបញ្ចុះថ្លៃប័ណ្ណបើកបរ និង ការមិនឲ្យបង់ថ្លៃចំពោះម្ចាស់យានយន្ត ដែលរស់នៅតាមបណ្តោយបញ្ជោរបង់លុយផ្លូវជាតិលេខ ៤"។
សម្តេចតេជោ ហ៊ុន សែន បានប្រកាសបញ្ចុះតម្លៃធ្វើប័ណ្ណបើកបរម៉ូតូពី ៦០,០០០រៀល មកនៅត្រឹមតែ ២៥,០០០រៀលប៉ុណ្ណោះ ហើយសម្តេចបានប្រកាសអំពាវនាវឲ្យប្រជាពលរដ្ឋទាំងអស់ នាំគ្នាទៅធ្វើប័ណ្ណបើកបរម៉ូតូ និងប្រកាសបន្តអនុវត្តច្បាប់ចរាចរណ៍ផ្លូវគោកថ្មី ដោយមិនរាថយឡើយ។
ការប្រកាសរបស់សម្តេចបានធ្វើឡើង បន្ទាប់ពីមានប្រជាពលរដ្ឋជាច្រើន បានសម្តែងក្តីកង្វល់ និងស្នើសម្តេចតាមទំព័រ Facebook របស់សម្តេច ឲ្យផ្តល់ការអនុគ្រោះទៅលើការធ្វើប័ណ្ណបើកបរម៉ូតូ ដែលមានតម្លៃថ្លៃ។
សម្តេចនាយករដ្ឋមន្ត្រី បានប្រកាសថា ការធ្វើប័ណ្ណបើកបរម៉ូតូចាស់ ដែលមានតម្លៃ ៧៤០០០រៀល បូករួមទាំងពិនិត្យសុខភាពនោះ ពេលនេះធ្លាក់មកនៅត្រឹម ២៥០០០រៀល ហើយ មិនតម្រូវឲ្យមានការប្រឡង ឬពិនិត្យសុខភាពនោះឡើយ។ តែស្នើឲ្យមានការផលិត ស្ពតអប់រំពីច្បាប់ចរាចរណ៍ និងផ្សព្វផ្សាយឲ្យបានទូលំទូលាយ។
សម្តេចតេជោ ក៏បានប្រកាសផងដែរថា សម្រាប់អ្នកដូរប័ណ្ណបើកបរម៉ូតូ យកតម្លៃត្រឹម ២០០០០រៀលប៉ុណ្ណោះ៕
ចំនួនអ្នកទស្សនា
- ថ្ងៃនេះ9311
- ម្សិលមិញ14181
- សប្តាហ៍នេះ9311
- ខែនេះ124461
- ឆ្នាំនេះ124461
- សរុប20566917